الفرق بين بنات دلوقتى وبنات المستقبل

المكان : حى من احياء القاهره

Read more...

طريقه تحطير الجن (للكبار فقط)

بدايه انا غير مسؤال عم اى اضرار نفسه او ادبيه تحدث جراء محاوله تطبيق الطريقه وانبه ان الموضوع للكبار فقط

تجيب بيضة مسلوقة و تكون باردة تحطها فى كباية مياه و تحط فى المياه دى زعتر و تسيبها 5 ايام بعدين تاخد الكباية دى و لازم يكون البيت عندك فاضى او يستحسن ان المنطقة تكون هادية يعنى احسن وقت يكون الفجر علشان الناس بتكون نايمة

و بعدين تجيب بخور من عند العطار و تجيب معاه حاجة اسمها عين العفريت دا بخور بردو بس اسمو كدا

وتبخر البيت كله و بعدين تدخل التواليت تروح مطلع البيضة مقشرها و تسيبها فى اى ركن من اركان التواليت

و المياه اللى فيها زعتر ترش بيها فى التواليت على الأرض

و بعدين تولع شمعة على باب التواليت و تطفى النور كله

و تدخل التواليت و تاخد نفس طويل (( بس اعمل حسابك اهم حاجة انك متخفش علشان لو خفت من الجن او الخادم اللى هيطلعلك ممكن يأذيك لو حس انك خايف منه ))

و تاخد نفس طول و تقول بصوت عالى اااااااااااااااااااااااااااااااااااااااااااه

تستنة بتاع 4 ثوانى و تقول اااااااااااااااااااااااااااه بصوت اعلى

و بعدين تقول اااااااااااااااااااااااااااااااااااااه تانى

هتلاقى الباب بيخبط

متبصش فى اى اتجاه تانى ولا تخرج علشان فى الحالة دى الخادم ممكن يطلعلك يأذيك

تقول ااااااااااااااه تانى هتلاقى الباب بيخبط تانى بس المرة دى اجمد

استمرررررررررر





ااااااااااااااااااااااااااااااااااااااااااااااه






اااااااااااااااااااااااااااااااااااااااااااااااااا ااااااااااااااااااااااااااااااه






ااااااااااااااااه






وفجأة وبدون سابق انذار هتلاقي



















هانت معلش اصل الجن عقبال ما بيحضر بياخد وقت





















هانت انزل كمان














هتلاقي











هتلاقي







هتلاقي طبعا الباب اتكسر و ناس ياما دخلوا عليك و يقولولك



احترم نفسك شوية بئه ياد يبن الهبله.

Read more...

البنات انواع على النت

طبعا البنات اللى بتقعد على النت كل واحده فيهم ليها دماخها وطريقه تفكيرها وشخصيتها يعنى مثلا من انواع البنات

العاقله!!


لما تفتح متكلمش حد.. تستني الكل يرحب بيها وهي تبتسم وتقول شكرا..
واذا حد بعتلها لها فايل او رابط اغنية حطت له علامة استفهام وتسكت نص ساعه ماتكلموش..
ولما تكون متحمسه في الكلام.. تكتب كل كلمة في سطر وتضغط انتر.. تخاف من الاخطاء الاملائيه.
وضحكتها عبارة عن ابتسامه واذا كانت مبسوطه اووي تحط ثلاث ابتسامات.




المصلحجية!!


متسلمش عليك الا مرة في الشهر.. تدخل عليك فجأه وتحط لك ورده.. مع انها كل يوم متواجده وساكته..
وتستخدم مشغول او في الخارج.. واذا احتاجت مساعدة تجيك وتسلم عليك وتقول فينك من زمان مشفتكش؟ مبتسألش عليا ليه؟ وحشتني وشوية تلييف برضه من النوع ده
ساره اختي كل يوم تفتح واوصيها تبلغك السلام لاني مشغووولة في الدراسة..
وبعد ماتخلص مصلحتها تقولك عن اذنك حروح اكمل مذاكره واختي حتقعد مكاني


الرسميـة!!


ترتب المجموعات الى قسم العائله و قسم الزملاء فقط.. طبعا مافيش قسم اصدقاء.. واغلب كلامها زي .. احترم نفسك.. او
رجاء دي امور خاصة بيه.. ولما تسالها ايه اخبارك؟ ترد انا كويسه وتسكت.. واذا سلمت عليها ترد هاى وتسكت..
ولما تعطيها اهداء تقولك اشمعنا انا بالذات؟ .. واغلب وقتها تقرا مواضيع في المنتديات
في قسم الرأي الاخر.. وتعشق برنامج الاتجاه المعاكس.ههههههههههههههههههه



المجنونه!!


دي كل كلامها ضحك.. وكل شويه تكتب نكته وتضحك مع نفسها.. وضحكتها طويله تقريبا تلت سطور..
واغلب كلامها بالصور.. تستخدم كل صور وغلطاتها الاملائية كتيرة.. وتجمع عدة اشخاص في صفحة واحده.. وتتكلم عن ثلاثة مواضيع في وقت واحد....وكل شوية تغير الصورة الجانبيه.. .. ولون الخط ههههههههههه


الغلسه!!


تغيب أيام طويلة متعرفش بتروح فين وترجع فجأة.. وكلماتها مثل.. ايه اخبارك يا غلس متزعلش من اختك انا بهزر
.. وثقافتها ماتعدى المتوسطه .. وضحكتها زي كده هع هع هع
..وتكتب بلون اسود لانها ماتعرف تغير الالوان ههههههههههه.



البطــــة!!


طباخة ممتازة وتحب تتكلم عن الاكل.. ودايم جوعانه.. ونقطة ضعفها الجالاكسي جواهر والمكرونة الاسباجيتي.. وقبل معاد العشا بساعه يكون مزاجها مش رايق ..
ولما ينادوها للعشا تقفل بسرعة البرق.. ههههههههههههههه..
ودائما تتكلم عن تجاربها الفاشلة في الريجيم .. مستحيل تشوفها في النهار لان الجو حار.. اوقاتها من العصر و طالع.
دمها خفيف ومرهفة المشاعر وأقل موقف ممكن يبكيها.


البريئــة!!


عمرها يكبر وعقلها مايتغير.. مازالت طفله وعلى نياتها.. تثق في كل الناس وبسرعة تتأثر.. وكل يوم تسألك عندك كام سنة؟
تعشق سبيس تون وبينك بانثر وهزيم الرعد و تحب تتكلم عن الأزياء والتسريحات وباربي.. تتواجد في العصر و المغرب لانها تنام بدري.. ماعدا يوم الخميس طبعا
شعارها الدنيا حلوة.. احيانا تجيك سكتة قلبية من غبائها ومع ذلك هي الاولى في المدرسه.. لو بلغتها باسرارك بتفضحك في كل المنتديات..
تخاف من الأرنب والقطه و أي شي يمشي على اربع رجلين.. حتى انت لو تمشي على اربع بتخاف منك


الكذابة الهابلة


اسمها الحقيقي فردوس . كريمه. زينب . فتكات .. وتجي على النت وتقول اسمي نانسى او هيفا او بيرى.. ودايما تنتقد و مايعجبها العجب.. واذا شافتك مشغول
الرد بيكون هوالشتايم
ههههههههههههههههه


تحتار ازاى ترضيها.. تد يها اغنية تقولك مابحبش الاغاني.. ..كل حاجة تضايقها وكل حاجة تزعلها..
.. ماتعرفش تجامل ولاتمدح الا نفسها.. دايم توصف نفسها بالجمال والرشاقه

وربنا يسترها معانا ياااااااااار ب

Read more...

طرق القياده فى مصر

القاعدة الأولى:

لو عربيتك كبيرة أو قديمة، اشتغل بنظام: اللي خايف على عربيته يوسع
وخلى بالك ابعد عن سكة العربيات القديمه و المخرشمة عشان بيسوقوا بنظرية ضربوا الأعور على عينه


القاعده الثانيه :

قاعدة البوز بيز: اللي يدخل ببوز عربيته الاول هو اللى يعدى احرص على أن تكون صاحب أول بوز

وخلى بالك لا تطبق الـبوز بيز مع أي لوري أو أتوبيس، حرصاً على بوزك



القاعدة الثالثة:

الإشارات هتبين للناس اللى جواك وانت لازم تبقى غامض عشان الناس تحترمك اووعاا تشغلهم



القاعدة الرابعة:

- لا تترك مسافة للأمان بينك و بين السيارة التي أمامك فهذا له عدة مخاطر:

عربية ثانية حتملا الفراغ في ثواني و برضه ما يبقاش فيه مسافة بينك و بين اللي قدامك، كل الي كسبته انك اتأخرت لورا شوية

حتدي فرصة للعيال يعملوا غرز قدامك

كل المشاة حيغمضوا عينيهم و يعدوا من الحته دي

الي وراك حيقعد يزمر - لو كان مؤدب أو تسمع شوية أسامي حيوانات لو كان سواق تاكس - مؤدب
أو حيخبطك من ورا لو كان سواق ميكروباص -

- الإشارات مش معمولة علشان تنظم المرور ، معمولة علشان شكل القاهرة يبقى متحضر بس!

- اعتمد على العساكر (مع تحملك كامل المسؤلية لو واحد منهم شاورلك تعدي و بلدياته الناحية الثانية فتح السكة للوري) أو يفضل أن تستعمل البوز بيز (راجع القاعدة الثانية).



القاعدة الخامسة:

اذا كنت مش واقف في الصف الأول في الاشارة اعمل حسابك تزمر بشكل متواصل و هستيري أول ما الأشارة تفتح، لأن الناس الي قدام بيبقوا واقفين في الاشارة من زمان و جايز جداً يكونوا ناموا!!



القاعدة السادسة:

معظم الحوادث تحدث في التقاطعات أول الأشارة ما تحمر، كل ما عديت الإشارة الحمراء أسرع كل ما قلت فرصة انك تتخبط!



القاعدة السابعة:

الشارع مكان مقرف، سوق بأسرع ما يمكن حتى تتخلص من هذا الهم بسرعة، الناس الي ماشيين بالراحة مرضى نفسيين بيستمتعوا بالعذاب ، يستاهلوا الي يجرى لهم.



القاعدة الثامنة:

من حقوقك الدستورية أن تركن أمام باب المحل الذي تريد أن تشتري منه، اذا سبقك واحد ابن ستين في سبعين و ركن قدام الباب، فمن حقك أن تقفل عليه و تركن صف ثاني أو ثالث، و مش مهم لو الشارع اتقفل، ايه يعني أما الناس تتعطل عشر دقائق علشان تستمتع بحقوقك الدستورية؟ هيا يعني الدنيا طارت ولا كان وراهم الديوان؟



القاعدة التاسعة:

من حقك أيضاً أن تخرج من مكان انتظارك في أي لحظة تشاء، اكسر الدركسيون شمال و اطلع، أي حد ماشي في الشارع لازم يقف لك فوراً، راجع البند السابق.



القاعدة العاشرة:

إحترس من ثلاث أنواع من السائقيين بيسوقوا و كأنهم مش ممكن يموتوا:

1. العيال الروشين الي بيلعبوا Computer Games فاكرين إن ممكن يكسبوا زيادة Life لو ساقوا أسرع.

2. موتوسيكلات توصيل الطلبات (Home Delivery).

3. سواقين الميكروباص.

ملحوظة: إوعى تحاول تثبت لحد منهم إن فكرته غلط . فاهمني !!.



القاعدة الحادية عشر:

لما تشوف حادثة لازم تهدي و تتفرج - مش مهم تساعد - الحاجات دي دمها أخف من الأخبار المملة بتاعة التلفيزيون، و بعدين لما الطريق وراك يقف تحمي المجتمع من حادثة تانية.


القاعدة الثانية عشر:

الكناسين لازم يحللوا اللقمة الي بياكلوها، حاول تنفعهم و ترمي أي حاجة من الشباك.



القاعدة الثالثة عشر:

لما تخلص سيجارة أوعى تحطها في الطفاية، ارميها من الشباك أول ما تشوف واحد بموتوسيكل معدي جنبك (علشان يحرم يعمل غرز).



القاعدة الرابعة عشر:

من حقك أن تعبر الشارع في أي وقت و من أي مكان.



القاعدة الخامسة عشر:

اذا كان هناك سيارة قادمة اعمل نفسك مش واخد بالك و عدي براحتك خالص، ما تخافش، هوا حيقف، هو اهبل يدوسك و يودي نفسه في داهية؟



القاعدة السادسة عشر:

اياك أن تنظر نحو السيارات القادمة، أعبر الطريق و ظهرك لها حتى لا يشك أحد قائدي السيارات أنك تراه و يحاول يخوفك علشان تقف انت.



القاعدة السابعة عشر:

حتى لو شفته أوعى تخاف - خصوصاً لو معاك بنت - تبقى راجل ملو هدومك و تخاف من حته عربية؟

عرض قفاك و سيبه يتفلق.

Read more...

اختبارات مستشفى المجانين

مسؤال كبير راح مستشفى المجانين وقابل دكتور هناك وحصل بينهم الحوار ده

المسئول: على اساس ايه بتعرفوا العاقل من المجنون
الدكتور: احنا بنملا البانيو ماء ونجيب المريض
و نديله ملعقة و فنجان و جردل ونطلب منه أن يفضى البانيو من الماء

المسئول: أنا فهمت ،، بالتأكيد الشخص العاقل سوف يفرغ
البانيو باستخدام الجردل،، لأنه الأكبر حجماً من الملعقة ومن
الفنجان







الدكتور: لأ

اهلاا بيك عندنا
الشخص السليم هيشيل السدادة من البانيو يا عم الحج
Read more...

هما الستات كدا

ام زكى لقت المصباح السحرى
وطلع لها الجنى قال لها ليكى عندى 3 امنيات
بس قالها كل امنيه تخديها زوجك هياخد 3 اضعافها

وافقت أم زكي وكانت أمنياتها كالتالي:

الأولى أن تصبح أجمل سيدة في الكون
أنذرها خادم المصباح السحري بأن زوجها أبوزكي
سيصبح أجمل منها بـ 10 أضعاف
قالت الزوجة لايهم، فسأصبح أجمل جميلات الكون
وبالتالي لن يجد من هي أجملمني...

أما الأمنية الثانية فكانت أن تصبح أغنى من في الكون
وللمرة الثانية أنذرها خادم المصباح السحري بأن أبو
زكي سيصبح أغنى منها بـ 10
قالت أم زكي مايهم، مافي فرق بين مال الزوج ومال
الزوجة وستكون تكون ثروتنا واحدة

أما للأمنية الثالثة فطلبت أن تصيبها أزمة قلبية بسيطة
لا تموتها ولا تعملها إعاقات

مهو صحيح الاصل بيبان فى الاخر

Read more...

نكت جديده

كام نكته جديده كدا على الماشى

اليسا و هيفا و نانسي مع بعض فى برنامج واحد فالمذيعه سألتهم عن فارس أحلامهم
إليسا قالت : نفسي أتجوز ضابط
هيفا قالت : نفسي أتجوز صيني
نانسي قالت : نفسي أتجوز لاعب كرة مشهور
فواحد اتصل بالبرنامج وقالهم معاكوا العقيد شونج يونج الشهير بـ أبو تريكة



كان مره واحد جزار راح يخطب ابو العروسه قال له المهر خمسون الف جنيه قال له الجزار ليه الكيلو بكام


مر اتنين دخلوا يسرقوا شقه فطب عليهم صاحبها فا واحد منهم دخل البلكونة فدخل صاحب الشقه وقاله انت بتعمل ايه هنا قالو الحرامي انا كنت بحارب بطيارتي ووقعت فا نطيت بالباراشوت في البلكونة قالوصاحب الشقه ايوه يا بطل في دي الرجولة مش اللي قاعد في البانيو بيقولي ضفاضع بشرية



سواق تاكسى دخل ينام مراته قفلت عليه الباب ندهلها وقالها
افتحى الباب واقفلية جامد

مرة نجار دخل في رجله مسمار ماعرفش يطلعه ... تناه

Read more...

طرق السعاده فى الحياه

لازم هدفك الاول فى الحياه يكون الراحه والاسترخاء

سريرك هو مملكتك وفيه انت الملك اوع تسيبه او تقوم من عليه

عشان تنام بليل بسهوله ارتاح كويس طوول النهار

لازم تعرف ان العمل من الاشياء المقدسه فاوعا تقرب منه

خليك واثق انك طول منتا مش بتعمل حاجه فمفيش حد ممكن يضر من تصرفاتك
والناس هتحبك عشان انت مش متعب ولا بتاع مشاكل

لو حسيت انك عايز تشتغل قوم نام فى سريرك او خد حمام او اتفرج على فلم

العمل دا حاجه مفيده للصحه يعنى اللى المفروض يشتغلوا هما المرضى مش الناس اللى زى الفل اللى زيك

عشان تصدق ان النوم اهم حاجه ربنا خلق الطفل بيشتغل ولا نايم 9 شهور جاوب انتا

Read more...

فى عفريت عاقل يطلع لواحده ست

الحج عفرت : شوبيكى لوبيكى خدامك بين ايديكى

سومه: بسم الله الرحمن الرحيم لا حول ولا قوه الا بالله ...

صلى ع النبى كدا يا خويا حد قالك عاوزه انا خدامين...

بعدين متنفش ريشك قوى كدا لتفرقع يا خويا ولا يطقلك عرق....دا العمر مش بعزقه...

الحج عفرت: ييييييييه كل مره اقولهم بلاش ستات

...اتطلبى وانا انفذ يا ستى ...وانجزى بقى خلصينى

سومه:ياحلاوه يا ولاد دا عامل زى عفروتو بتاع المرسحيه قصير واقرع ....

الحج عفرت:احنا حنقبح بقى ولا ايه ليه طوله اللسان دى اللهم طولك يا روح

سومه:هع هع هععع يطولها ؟؟؟

اذا كنت انت نموك وقف على الحجم دا دا انت ولا خاتم سليمان يحوق معاك....


بقولك ايه اما انت تعرف تنفذ طلباتى طيب ما تطول نفسك شويه ولا تطلعلك شعر


الحج عفرت:يا ستى انا عاجبنى منظر اهلى كدا اطلبى السبع طلبات بتوعك وانجزى دا هى مجيه سوده

سومه:الله مالك كدا ياخويا من ساعه ما جيت وانت نازل تنأويز ...على ايه يا حسره ....امال لو طويل حبتين...

وعمال خدامك ومش خدامك

الحج عفرت :ماشى يا ستى انا اسف ...مش حتكلم حسيبك لضميرك الاسود :kamikaze:

ابوس رجليكى اطلبى انا ورايا ابنى لازم اعدى اجيبه من تدريب الزحلقه ع السحاب

سومه:اهى ى ى لا هو انتوا عندكم ولاد

الحج عفرت :امال يعنى بننقرض

سومه:وانت من اى قبيله اتيت....بس عرفتك تكونش بتاع كارتون السنافر....


شاطره يا سومه والنبى طول عمرك نبيهه يا بت

الحج عفرت: دى حتغلط بقى انا من الجن الابيض يا ستى خلصى

سومه:اشتاتا اشتاتا اشتوت ....اتفووووو


الحج عفرت:يا وليه يا مضروبه بتتفى عليا

سومه:لا يا خويا وانا اقدر...بتف فى عبى يمكن تنصرف


الحج عفرت:اطلبى وانا اجيبلك اللى تعوزيه

سومه:شوف بقى انا غير كووووول الستات اللى انت عرفتهم ومطالبى تختلف عن الاخرين

الحج عفرت:وانا تحت امرك

سومه:بس قولى الاول احضرك ازاى..؟؟؟

الحج عفرت :ياستى ما انا مزروع اهو حتحضرينى ليه

سومه:اه صحيح طيب يا سيدى متتنرفزش الزعل مش حلو عشانك

يعنى لو قلتلك عاوزه عربيه انت ممكن تجيبلى

الحج عفرت:طبعا فورا اجيبلك بس قولى نفذ وانا انفذ...عاوزاها نوع ايه

سومه:اهو شوف فهمتنى غلط انا قلتلك انا مش زى الستات العبيطه مش عاوزه عربيه :shutup22:

الحج عفرت:يا خواتى ارحمنى يا رب

سومه:دا ايه يا خويا العفريت المستعجل دا مكانوش قادرين يبعتولى واحد فاضى موراهوش عيا

طيب اسمع يا خويا انا حخلصك خالص لو طلبت منك اسرائيل تنكشح عن فلسطين تمشيها

الحج عفرت:يعنى انتوا بكل رجالتكم يا عرب وهى قاعده فى فلسطين وعاوزانى انا يا غلبان امشيها ....

سومه:خلاص اهو ادينى طلبت عشان متقولش وتشتكى انت اللى معرفتش تنفذ....

بس فاضى تقول مش فاضى وعندى مواعيد


اسمع رأفه بيك انا عاوزاك تنضف البيت بدالى النهارده وتعمل اكل فى التلاجه يكفى سى بطيخ اد اتناشر شهر....

وتسيأ السلم بدالى كل اول اسبوع....وياريت تجيبلى عربيه بتنجر احط فيها الخضار....و...........

الحج عفرت:نعمممممممم يا دلعدى

سومه:هههههه العفريت برطم بالبلدى

الحج عفرت:يعنى انا جاى من زحل ارض ارض عشان تقوليلى اسيأ السلم ....واقطف ملوخيه


سومه:اه والله فكرتنى نسيت حته تقطيف الملوخيه

الحج عفرت :يا وليه ارحمينى تحبى اجيبلك جاجوار...ولا هامر تركبيهم

سومه:ودول ايه دول يا خويا ...

لا الحمد لله طقم السنان بتاعى شغال ميه ميه..الكوبرى تاعبنى شويه بس ماشى

الحج عفرت:طيب تحبى اجيبلك شقه 1000 متر على النيل

سومه:لالالالا ايه العفاريت المؤذيه دى


دوشه ورطوبه... انت عاوز تقطم وسطى مين حينضف المساحه دى كلها...قال ويقولى فى خدمتك..

الحج عفرت:طيب تحبى تسافرى وتلفى العالم

سومه:يا نصيبتى اخرج من بيتى فى غير علم سى بطيخ دا كان يقتلنى...

ثم انا ميهونش عليا زعله....

ثم يا خويا الف العالم فيه ايه زياده عن اللى فى بيتى سى بطيخ مكفينى وجايبلى كلشن كان...

اه امال ايه.؟؟؟

الحج عفرت:طيب تحبى اخلصك من سى بطيخ نفسه

سومه:يا خويا بعد الشر تف من بقك

ان شاء الله انت وميه زيك ....

هو صحيح عينه زايغه....ولسانه طويل وايده باطشه....وجزمه ديما طايره ....

بس الست مننا ايه منغير بطيخها ....والعيال مين حيشيلهم مين يشيل مشاكلهم....

الحج عفرت :انا زهقت منك...مش ممكن واحده معندهاش ولا طلب ....

طيب اسمعى اجيبلك ذهب ياقوت مرجان..الماظ....

سومه:هههههه شوف العبيط سى بطيخ جايبلى شبكه جوا دبله ومحبس وحتتين غوايش وسلسله ما شاء الله....

ويقولى عليها ماس و مرجان طيب دى راحت ولا جات ازازه....بس متلمعه ..اما عفريت خرع بصحيح..

طيب انا حريحك ...لو حزفت اجابتين انا ممكن اقولك الاجابه الصح عدل

الحج عفرت:هو انا جورج قرداحى ...تحزفى اجابتين جديده دى

سومه:خلاص انا عرفت سياتك تبقى مين

الحج عفرت:الحمد لله وحتطلبى بقى خلاص مش كدا

سومه:اه يا خويا...زيع زيع انا معنديش ايتوها مانع مش انتوا بتوع الكاميره الخفيه

الحج عفرت:يا خوااااااااااااااااااتى انا حعتزل المهنه

انا شوفت كتير وقليل لكن غبيه وبارده ومبتفهمش ثلاثه فى واحد انتى حطمتى القواعد

سومه:طبعا يا خويا نحن نختلف عن الاخرين ونزيد

Read more...

صور مضحكه

افضل الصور المضحكة واحسن الصور المضحكه اخترناها لكم من بين العديد من الصور المضحكه المصريه والغربيه ونوعدكم باكثر من كدا

نتمنى ان الصور المضحكه دى تكون عجبتكم وتابعونا

Read more...

رمزى قال ايه

مجموعه من افضل التعليقات اللى قالها رمزى (سامح حسين) فى السيت كوم المشهور جدا راجل وست ستات

دولا حبيبى

تيجى تخلعيلى عين وانا اخلعلك عين ونعيش طرش احنا الاتنين

هى شجرة الدر دى شجره بحق وحقيقى يتاكل منها حاجه يعنى

انا كان نفسى اطلع انفد عشان اانفد فى نفسى وانفد فى الدنيا

ادى الفار لصياده

اعزمنى على كوكتيل فواكه البحر

الرجوله بتاعتك مابتطرقعش عليك

لا عاش ولا مات اللى يضايقك ياعم

سايب رضعه اله الطفوله على النار

قربى يا تيزا البضاعه على الترابيزه

انا بقى ابويا كان تاجر كبريت اد الدنيا

دى مرات ابوك يعنى فى مقام والدك

صباح الفل ياعم الكل

بارفان الليل واخره

اللى اتكسر يتجبس

الميه تكدب العطشان


الفار بيلعب فى ودنى

اضرب برفق فانى اتألم

عامل لايت عشان وزنى

ولا من شاف ولا من رأى

الورقه دى الفيصل والهرم

-اذا عرف السبب كتر العدد-

-اضحك الصوره تتطلع كويسه-

-انا جاى اتفاهم بشكل ودنى-

-ايه يادولا قاعد تنفخ كده ليه هتطير التماثيل-

-يا صباح الاحبال الصوتيه ليلتكوا مش معديه-

-خليها تجبلنا مهندس يطلعنا من السجن ده هوا-

-انت مش عارف يا دولا انى كنت بلعب كونجفول-

-خليها تجيبلنا الدليفرى ده عشان نفسى ادوقه-

-التماثيل بقعد تبصلى فى الكوبايه اللى بشربها-

-اقو اجيب قصيده ولا اتنين من التلاجه اللى جوه-

-ايه السرحنه اللى انت فيها دى يادولا من الصبح-

-دول 5000 جنيه لما يجيلنا 2000 جنيه هندهوملك-

-انا اسمى رمزى الشهير بابو الرماميز ابن عم دولا-

-بتفرج على فيلم اسماعيل يس فى جنينة المجانين-

-عيد اكتوبر بيجى بعد رمضان-

-انا من هنا ورايح ودنك اليمين-

-هدخل نفسك فى سيم وجين-

-الموبيلات دى مظاهرات فاضيه-

-هى البورصه دى مرات البورص-


-شفت بقى ان انا مش انا يادولا-

-واخد اجازه من الموبيل وقافلو-

-نبطل نرش ميه عشان نوفر فى الكهربا-

-عندى اله الطفوله ميتو رع عايز الرضعه-

-انت عامل عملية تجميل زى لمياء وهبى-

-انت تأمرو وهو يطيعك وراسه فوق رجليه-

-نجلاء دى عندها فيفا 13/6/2008 الجديده-

-دولا دولا دولا حلاوتك مش معقوله-

-كنت بنفخ الطربوش عند العجلاتى-

-تحب اروح اجبلك سندوتش كشرى-

-واخد الشراب الاسود فى الكاراتيه-

-البضاعه المؤجره لاترد ولا تستبدل-

-عايز استشيرك فى فعب امر صغير-

-نفسى فى بيتزا حجو وسط يعنى-
large

-مش ده الزيزون بتاعنا-

-استاذ صادق علام اهو-

-العقل زينه فى البترينه-

-دولا دولا هما دول الكفار-

-سمعنى سلامه ياصاحبى-

-المسأله دى مسألة مبتدأ-

-اله الذكاء ده هو اللى اخترع الشطرنج-

-لولا اختلاف الاطعمه لفسدت الالسنه-

-محدش ماشى من هنا الا على جزمتى-

-حد بعنلك رساله بمناسبة عيد الشرطه-

-هى انسه سهام دى متجوزه ولا مطلقه-

-اجيب الحاجه الساقعه سقعه ولا سخنه-

-انا غبى انت فاجأتنى بالموضوع ده يادولا-

-دولا تاعبنى اوى وخايف اشد عليه يتقطع-


-صباح الفل و الياسمسن والورد والكوكتيل-

-هتحضر دكتوراه زى ما بتحضر عفاريت مثلا-

-لو عايز تفهم اسمع مش عايز تفهم اسمع-

-فى التقنى السلامه وفى العجله الحمامه-

-التمثال بيلف يلف يلف يلف يلف ويرجع لصاحبه-

-عندك واحد شاى فى الجون و مايكونش تسلل-

-الست شهور دو يادولا هايعدوا قبل الاسبوعين-

-انت اصلا ميت من سنتين بس مخبى على اهلك-

-تعرف كلمة السر بتاعت مغارة على بابا اصلهم غيروها-

-الاكل ميه ميه انا حاسس ان هيجيلى تسمم من النضافه-

-امبارح كان التلات النهارده الخميس الاسبوع جه ناقص يوم-

-انا واخويا على الغريب وانا وانتو والغريب على ابن عمى دولا-

-الى امى ام رمزى الحبيبه يعنى الشهامه والجدعنه والرجوله-

-من بعض ما عندهم-

-المسأله دى مسألة مبتدأ-

-ده انت مجرم اجرمه يادولا-

-بعد ما خدت دبلوم الزرايب-

-دولا هو جدك ده اكبر منك-

-حطلها منوم فى التليفزيون-

-ياما دقت على الناس كفوف-

-انا قلبى شامم ان فى زبون-

-انا عيد ميلادى فى جماد اول-


-انا بمثانة مدير دعانه والعلانات-

-حبك يا حبيبى بوظلى معدتى نغص عليا دنيتى و خلانى امشى وانا بقول يالهوتى يالهوتى-

-انا ملطوى شخصيتى منسجمه مع ذات نفسيتها انا بنسجم مع الحيوانات ومبحبش البنى ادمين على فكره-

-انا احب عيونك تبقى تنفسجى-

-حد يحدفلى الاسعافات الاولانيه-

-هو ايه اللى بيبقى بين القصرين-

-اذا كان هما فاكهه فا احنا اقفاص-

-لا تبكى على الكوكتيل المسكوب-

-بين الحياه والموت متعلق يعنى؟؟-

-حط عقلك فى راسك تعرف خلاص-

-الاقى مع حضرتك فكة 5 جنيه دهب-

-الرحمه تجوز عل ى المتوفى والميت-

-شفلى عقد اعتراف فى اى دوله كده-

-انتى لون عينك ده اخضر هو ده مرض-

-ماتفتأش فى الفتؤات اللى فتاها الزمن-

-وعدنى انه هيدينى الساقيه بتاعت الفيوم-

-انا هاجبلك اكبر باشمحامى فى الدنيا دى-

-رجعتوا للزمن القديم زمن التبادل بالمعايده-

-الفرقه هتنزل بخطة 5.7.1 عشان روح الفنله الحمره-

-الحراميه دول بيحبونى موت انا اتسرقت قبل كده مرتين-

-الست والدتك دى ست استهزائيه يعنى بتحب تهزأ الناس-

-انا لو خدت فرصتى فى الرقص هخلى دينا تقعد فى البيت-

-انا كنت فاكر تهزيأك ليا طول السنين اللى فاتت اهانه اتاريه حب و استكانه-

-ماتستدرجنيش بمسلوق الكلام علشان اعملك تخفيضات ولا شلم ولا ملين هاينزل-

-انا مين يادولا-

-القناعه كنز لاينفذ-

Read more...